تمام شہر میں اب تو ہے راج کانٹوں کا
تمام شہر میں اب تو ہے راج کانٹوں کا
مجھے قبول نہیں یہ سماج کانٹوں کا
چلو کہ کچھ تو تسلی ہوی مرے دل کو
اسی میں خوش ہوں کہ پایا خراج کانٹوں کا
ہمارے پھول سے چہروں کو نوچنے والو
کبھی تو تم پہ بھی اترے اناج کانٹوں کا
سنبھال سکتے نہیں ہم یہ غم کی جاگیریں
اتار لیجے سر سے تاج کانٹوں کا
یہ اور بات کہ گل کی طرح مہکتے رہے
وگرنہ رکھتے تھے ہم بھی مزاج کانٹوں کا
بہت عجیب سے لہجے میں بات کرتا ہے
ہے آج پھول میں کچھ امتزاج کانٹوں کا
