چمن  پہ دام پہ درویش مسکراتا ہے

چمن  پہ دام پہ درویش مسکراتا ہے

چمن  پہ دام پہ درویش مسکراتا ہے

ہر اک مقام پہ درویش مسکراتا ہے

صراحی بزم میں جب قہقہے اگلتی ہے

سکوت جام پہ درویش مسکراتا ہے

ہزار حشر اٹھا اے تغیر دوراں

ترے حرام پہ درویش مسکراتا ہے

شفق میں خون شہیداں کا رنگ شامل ہے

فروغ شام پہ درویش مسکراتا ہے

کبھی خدا سے شکایت کبھی گلہ تجھ سے

مذاق عام پہ درویش مسکراتا ہے

ہوس مشیر ہو جس بادشاہ کی ساغر

تو اس غلام پہ درویش مسکراتا ہے

you must read this post also

کیا سماں تھا بہار سے پہلے ساغر صدیقی