شوق، ہر رنگ رقیب سرو ساماں نکلا
شوق، ہر رنگ رقیب سرو ساماں نکلا
قیس تصویر کے پردے میں بھی عریاں نکلا
زخم نے داد نہ دی تنگی دل کی یارب
تیر بھی سینہ بسمل سے پر افشاں نکلا
بوے گل ، نالہ دل دود چراغ محفل
جو تری بزم سے نکلا ، سو پریشاں نکلا
دل حسرت زدہ تھا مایدہ لذت درد
کام یاروں کا بہ قدر لب و دنداں نکلا
اے نو آموز فنا ہمت دشوار پسند!
سخت مشکل ہے کہ یہ کام بھی آساں نکلا
دل میں پھر گریے نے اک شور اٹھایا غالب
آہ جو قطرہ نہ نکلا تھا سو طوفاں نکلا
